Egilsstaðir

Herdís Magna Gunnarsdóttir & Sigurbjörn Þór Birgisson

Nautgriparækt

Loftlagsvænn landbúnaður

þátttökubú í loftlagsvænum landbúnaði

Egilsstaðir

Hvað hefur loftslagsvænn landbúnaður gert fyrir okkur?

Egilsstaðabúið hefur verið í rekstri sömu fjölskyldunnar í fimm ættliði. Herdís Magna og Sigbjörn Þór fluttu austur eftir nám árið 2012 og hófu að kaupa sig inn í búrekstur foreldra hennar. Baldur Gauti Gunnarsson starfar einnig við búið og vinnur mjólkurvörur frá bænum undir nafni Fjóshornsins. Á búinu erum við með um 70 mjólkurkýr í lausagöngufjósi með mjaltaþjóni og ölum alla nautkálfa sem fæðast á búinu til nautakjötsframleiðslu auk þess að kaupa kálfa frá öðrum bæjum til uppeldis. Á bænum er einnig stunduð hestamennska og lambakjötsframleiðsla, að mestu til einkanota.

Hvað hefur loftslagsvænn landbúnaður gert fyrir okkur?

Við höfum tekið þátt í Loftslagsvænum landbúnaði frá árinu 2023. Þetta fyrsta ár okkar hefur einna helst nýst í að taka stöðuna á okkar búi, meta hver losunin er og hvar við eigum tækifæri til að draga úr losun og auka bindingu. Við höfum aukið við okkur þekkingu á þessum tíma sem skilar sér í bættum og skemmtilegri búrekstri.

Helstu loftlagsaðgerðir

Þar sem stærstur hluti búrekstrarins er nautgriparækt sjáum við helstu tækifæri okkar til að draga úr losun með því að auka afurðir á hvern grip.

Við höfum því bæði unnið að því auka meðalnyt mjólkurkúnna og að lækka sláturaldur nautanna þar sem vaxtarhraði þeirra fer minnkandi eftir 24 mánaða aldur.
Við stundum kornrækt og jukum ræktun okkar um 14 hektara á síðasta ári til að minnka þörf á innfluttu kjarnfóðri til nautaeldisins og til að auka vaxtarhraða nautanna.
Meðal okkar markmiða er einng að draga úr notkun á tilbúnum áburði og olíu og við stefnum að aukinni skjólbelta og/eða- skógrækt á jörðinni á næstu árum.